Naxçıvan Dövlət Universitetinin tələbələri növbəti təcrübə məşğələsi keçiblər

Naxçıvan Muxtar Respublikası Ali Məclisi Sədrinin “Ali və orta ixtisas təhsili  müəssisələrində ixtisasların müvafiq təşkilatlara hamiliyə verilməsinə dair əlavə tədbirlər haqqında” Sərəncamından irəli gələn vəzifələrin icrası istiqamətində təşkil edilən tədbirlərin davamı olaraq  cari tədris ili başlayandan Naxçıvan Dövlət Universitetinin Təbiətşünaslıq və kənd təsərrüfatı fakültəsinin tələbələrinə “Araz” Elm İstehsalat Birliyinin Aqrokimya, torpaqşünaslıq və torpaqların  kütləvi analizləri laboratoriyasında təcrübə məşğələləri keçirilir.

Birliyin laboratoriyasında növbəti təcrübə məşğələsi Coğrafiya ixtisası üzrə təhsil alan 2-ci kurs tələbələri ilə keçirilib. Tələbələrə laboratoriyada torpaq mülkiyyətçilərinin təqdim etdiyi torpaq nümunələrində torpaq məhlulunun reaksiyası, elektrik keçiriciliyi, mexaniki tərkibi, humusun, azotun, fosforun və kaliumun təyini analizlərinin aparılması əyani olaraq göstərilib.

Sonda tələbələri maraqlandıran suallar cavablandırılıb.

                             Naxçıvan  Muxtar Respublikası

Kənd Təsərrüfatı Nazirliyinin mətbuat xidməti