Naxçıvan Dövlət Universitetinin tələbələrinə təcrübə dərsi keçirilib

Naxçıvan Muxtar Respublikası Kənd Təsərrüfatı Nazirliyinin Bitkiçilik məhsularının istehsalı, toxumçuluq və aqrokimyəvi xidmət şöbəsinin müdiri Xaliq Abbasov Naxçıvan Dövlət Universitetinin Torpaqşünaslıq və aqrokimya ixtisasının II kurs tələbələrinə Akademik Həsən Əliyev adına “Araz” Elm İstehsalat Birliyinin Aqrokimya, torpaqşünaslıq və torpaqların kütləvi analizləri laboratoriyasında təcrübə dərsi keçib.

Dərs zamanı tələbələrə laboratoriyada olan müasir tipli cihazlar haqqında ətraflı məlumat verilib. Onlara torpaq analizlərinin aparılması zamanı texniki təhlükəsizlik qaydaları və reaktivlərdən düzgün istifadə olunması  laboratoriyanın mütəxəssisləri tərəfindən ətraflı izah edilib.

Daha sonra tələbələrə torpaq mülkiyyətçilərinin təqdim etdiyi torpaq nümunələrində  torpaq məhlulunun reaksiyası, elektrik keçiriciliyi, mexaniki tərkibi, humusun, azotun, fosforun və kaliumun təyini analizlərinin aparılması əyani olaraq göstərilib.

Dərsin sonunda tələbələri maraqlandıran suallar cavablandırılıb.

Naxçıvan  Muxtar Respublikası

Kənd Təsərrüfatı Nazirliyinin mətbuat xidməti