Mətbuat xidməti Hesabatlar
hesabat

Kənd təsərrüfatının inkişafı diqqətdə saxlanılır

Naxçıvan Muxtar Respublikası Kənd Təsərrüfatı Nazirliyinin əməkdaşları tərəfindən avqust ayı ərzində kənd təsərrüfatının müxtəlif sahələri ilə əlaqədar müşavirələr, tarla seminarları keçirilib. Həmçinin muxtar respublikada kartof yığımının qısa müddətdə başa çatdırılması, məhsulun Naxçıvan Muxtar Respublikası İqtisadiyyat Nazirliyinin və sahibkarların soyuducu anbarlarına təhvil verilməsi ilə əlaqədar maarifləndirmə işləri aparılıb. Biçindən sonra təkrar əkinlərin həyata keçirilməsi, əkin sahələrində aqrotexniki qulluğun düzgün və vaxtında aparılması, payızlıq taxıl əkinlərinə hazırlıqla əlaqədar növbəli əkin sisteminə əməl etməklə sahələrin seçilməsi, keyfiyyətli şumun qaldırılması, toxumun dərmanlanmasının əhəmiyyəti mövzularında torpaq mülkiyyətçiləri və ailə təsərrüfatı sahiblərinin iştirakı ilə tarla-seminar müşavirələri keçirilib. Ötən ay nazirliyin əməkdaşları Ekologiya və Təbii Sərvətlər Nazirliyinin, Daşınmaz Əmlak və Torpaq Məsələləri üzrə Dövlət Xidmətinin mütəxəssisləri ilə birlikdə Ordubad və Culfa rayonları ərazisində torpaqların şorluluq dərəcəsi və eroziyası ilə bağlı monitorinqlər və planaalma işləri aparıblar. Ay ərzində Babək rayonundan üzümlüklərdə və meyvə bağlarında məhsulun vəhşi arılardan qorunması ilə bağlı 16, Babək və Şərur rayonlarında təkrar əkinlərin aparılması ilə əlaqədar 19, payız calağının işlənməsi ilə bağlı 14, kartofun sadə üsullarla saxlanması ilə əlaqədar 21 nəfər nazirliyə müraciət edib, mütəxəssislər tərəfindən onlara lazımi tövsiyələr verilib. Hesabat dövründə Akademik Həsən Əliyev adına “Araz” Elmİstehsalat Birliyinin Aqrokimya, torpaqşünaslıq və torpaqların kütləvi analizləri şöbəsinin əməkdaşları tərəfindən Ordubad rayonunun Üstüpü, Darkənd və Aza yaşayış məntəqələrində torpaq tədqiqat işləri aparılıb, torpaq nümunələri götürülərək analiz olunması üçün laboratoriyaya verilib. Üç torpaq mülkiyyətçisi və ailə təsərrüfatı başçısı tərəfindən gətirilən 7 torpaq nümunəsi analiz olunaraq tərkibindəki qida maddələri barədə onlara məlumat verilib. Muxtar respublikada şoranlaşmış və eroziyaya uğramış torpaqların müəyyənləşdirilməsi üçün tədqiqat işlərinə başlanılıb. Toxumçuluq və bitkilərin mühafizəsi idarəsinin mütəxəssisləri muxtar respublikanın rayonlarında ailə təsərrüfatı üzvləri, fermerlərlə kənd təsərrüfatı bitkilərinin başlıca xəstəlik və zərərvericiləri, onlara qarşı mübarizə tədbirləri barədə fərdi qaydada maarifləndirici söhbətlər aparıblar. Müxtəlif əkin sahələrində xəstəlik və zərərvericilərin aşkarlanması məqsədilə idarəyə gətirilən nümunələrə baxılıb, 40 təsərrüfat sahibinə lazımi məsləhət və tövsiyələr verilib. Toxumçuluq təsərrüfatları və fermerlər tərəfindən laboratoriyaya gətirilən toxumlar analizdən keçirilib, analizin nəticəsi ilə bağlı onlara analiz aktı təqdim olunub. Payız-qış mövsümündə malqaranın saxlanması, arı ailələrinin qışlamaya hazırlanması, yarana biləcək xəstəliklərə qarşı profilaktik tədbirlərin aparılması məqsədilə sahibkarlarla fərdi qaydada maarifləndirici görüşlər keçirilib.

Naxçıvan Muxtar Respublikası Kənd Təsərrüfatı

Nazirliyinin mətbuat xidməti

 

Aqrar sahədə maarifləndirmə işləri davam etdirilir

Naxçıvan Muxtar Respublikası Kənd Təsərrüfatı Nazirliyi cari ilin iyul ayında da fəaliyyətini nazirliyin illik iş planının və Dövlət proqramlarının icrası istiqamətində həyata keçirmişdir. Ötən ay nazirlik əməkdaşları tərəfindən yaz işlərinin optimal müddətdə aparılması, vegetasiya müddətində aqrotexniki tədbirlərdən düzgün istifadə edilməsi, biçin başa çatdıqdan sonra sahələrdən küləşin çıxarılması və keyfiyyətli şum aparılaraq təkrar əkinlərə, həmçinin payız əkinlərinə hazırlıq işlərinin görülməsi, tərəvəz sahələrindən və meyvə bağlarından yığılan məhsulların soyuducu anbarlarda saxlanılması, eləcə də şənbə-bazar günləri keçirilən kənd təsərrüfatı yarmarkasına çıxarılması barədə sahibkarlar və ailə təsərrüfatı üzvləri ilə maarifləndirici söhbətlər aparılmışdır. Ay ərzində Babək, Culfa və Şərur rayonlarından olan təsərrüfat sahibləri üzümlüklərdə, meyvə bağlarında həyata keçirilən kompleks tədbirlər və təkrar əkinlərin əlverişli üsullarla aparılması ilə bağlı nazirliyə müraciət etmişdir. Müraciət olunan məsələlərlə bağlı lazımi tövsiyələr verilmiş, əməli köməkliklər göstərilmişdir. Hesabat dövründə “Araz” Elm-İstehsalat Birliyində Elmişuranın iclası keçirilmiş, tədqiqat və təsərrüfat işləri müzakirə olunmuş, müvafiq tapşırıqlar verilmişdir. BirliyinAqrokimya, torpaqşünaslıq və torpaqların kütləvi analizləri şöbəsinin əməkdaşları tərəfindən torpaq mülkiyyətçiləri və ailə təsərrüfatı başçıları tərəfindən gətirilən torpaq nümunələri analiz olunaraq tərkibindəki qida maddələri barədə onlara məlumat verilmişdir. Taxıl bitkilərinin seleksiyası, bitki mühafizəsi və toxumçuluq şöbəsi tərəfindən payızlıq buğda sortu üzərində tədqiqat,seleksiya və seçmə işləri sona çatmışdır. Sahələrdə aprobasiya aparılmış, nümunə dərzləri götürülmüşdür. Hazırda məhsuldarlıq göstəriciləri araşdırılır. Toxumçuluq və Bitkilərin Mühafizəsi İdarəsinə iyul ayında 47 ayrı-ayrı ailə təsərrüfatçıları, fermerlər tərəfindən meyvə bağı əkinlərində xəstəlik və zərərvericilərin aşkarlanması məqsədilə gətirilən nümunələrə baxılmış, həmçinin xəstəlik və zərərvericilərin aşkarlanması məqsədilə idarənin mütəxəssisləri tərəfindən həmin sahələrə baxış keçirilmiş, tələb olunan mübarizə tədbirləri haqqında sahibkarlara məsləhətlər verilmişdir. Yay otlaqlarından səmərəli istifadə, qoyunlara zootexniki qaydalara uyğun qulluq edilməsi, mal-qara arasında baytarlıq tədbirlərinin vaxtında aparılması və yovşan bitkisinin əhəmiyyəti haqqında sahibkarlarla fərdi qaydada maarifləndirici görüşlər keçirilmişdir.

Naxçıvan Muxtar Respublikası Kənd Təsərrüfatı

Nazirliyinin mətbuat xidməti

 

Aqrar sahədə işlər davam etdirilir

Naxçıvan Muxtar Respublikası Kənd Təsərrüfatı Nazirliyi 2020-ci ilin iyun ayında da fəaliyyətini nazirliyin illik iş planının və Dövlət proqramlarının icrası istiqamətində həyata keçirmişdir. İyun ayında taxıl biçininin başlaması ilə əlaqədar nazirlikdə yaradılmış operativ qərargah vasitəsilə biçinin gedişinə nəzarət edilir. Nazirlik əməkdaşları tərəfindən muxtar respublikada taxıl biçininin qısa müddətdə başa çatdırılması, biçin zamanı baş verə biləcək fəsadların tez bir vaxtda aradan qaldırılması barədə sahibkarlara və ailə təsərrüfatı üzvlərinə maarifləndirici məsləhətlər verilmişdir.

Ardını oxu...

 
 

Aqrar sahənin inkişafı diqqətdə saxlanılır

2020-ci ilin may ayında Naxçıvan Muxtar Respublikası Kənd Təsərrüfatı Nazirliyi və struktur bölmələrinin mütəxəssisləri kənd təsərrüfatının bütün sahələrində yüksək məhsuldarlığın əldə olunması üçün maarifləndirici müşavirələr, tarla seminarları keçirmiş, təsərrüfat sahibləri ilə fərdi qaydada söhbətlər aparmışlar. Nazirlik əməkdaşları tərəfindən muxtar respublikada keçirilən seminar-müşavirə və fərdi görüşlərdə yaz işlərinin əkin atlaslarına uyğun optimal müddətdə aparılması, bostan-tərəvəz əkini zamanı, əsasən, yerli və yerli şəraitə uyğunlaşan məhsuldar toxumlaXXrdan istifadə edilməsi tövsiyə olunmuşdur. Əkinlərdə xəstəlik və zərərvericilərin qarşısının alınmasında aqrotexniki mübarizənin tətbiq olunmasına üstünlük verilməsi qeyd edilmişdir. Ümumilikdə, muxtar respublika üzrə 475 hektar yonca sahəsində fitonomus zərərvericisinə, 966 hektar taxıl və cavan meyvə bağlarında siçan və siçanabənzər gəmiricilərə, 66 hektar kartof sahəsində kolorado kartof böcəyinə, 7321 hektar taxıl sahəsində alaq otlarına, eləcə də 16 hektarsahəni əhatə edən bəzək bitkilərinin zərərverici və xəstəliklərinə qarşı kimyəvi mübarizə aparılmışdır. Taxıl biçini kampaniyasına hazırlıqla bağlı Naxçıvan Muxtar Respublikası Fövqəladə Hallar Nazirliyi və “Naxçıvan Aqrolizinq” Açıq Səhmdar Cəmiyyətinin nümayəndələri ilə birlikdə muxtar respublikanın rayonlarında taxılbiçən kombayn sahibkarları ilə fərdi qaydada söhbətlər aparılmış, biçində iştirak edəcək kombaynların texniki vəziyyəti və sayı müəyyən edilmişdir. “Araz” Elm-İstehsalat Birliyinin Aqrokimya, torpaqşünaslıq və torpaqların kütləvi analizləri şöbəsinin əməkdaşları tərəfindən torpaq mülkiyyətçiləri və ailə təsərrüfatı başçılarının gətirdikləri torpaq nümunələri analiz olunaraq tərkibindəki qida maddələrinin miqdarı barədə məlumatların verilməsi işləri davam etdirilmişdir. Toxumçuluq və bitkilərin mühafizəsi idarəsinə müraciət edən 91 ailə təsərrüfatı başçısı və fermerlərin istixana təsərrüfatlarına, meyvə və üzüm bağlarına baxış keçirilmiş, tələb olunan mübarizə tədbirləri haqqında məsləhət və tövsiyələr verilmişdir. Toxumçuluq təsərrüfatları və fermerlər tərəfindən laboratoriyaya gətirilən toxumlar analizdən keçirilmiş və nəticələrlə bağlı analiz aktı təqdim olunmuşdur. “2017-2022-ci illərdə Naxçıvan Muxtar Respublikasında arıçılığın inkişafı üzrə Dövlət Proqramı”nın və “Naxçıvan Muxtar Respublikasında arıçılığın inkişafı ilə bağlı tədbirlər planı”nın müvafiq bəndlərinin icrası ilə əlaqədar maarifləndirici tədbirlər həyata keçirilmişdir. “Naxçıvan Muxtar Respublikasında damazlıq heyvandarlığın inkişafının əsasları” adlı kitab və bütün rayonların yaşayış məntəqələri üzrə “Heyvan cinslərinin rayonlaşdırılmasının atlası” hazırlanmışdır.

 

Aqrar sahədə işlər davam etdirilib

Naxçıvan Muxtar Respublikası Kənd Təsərrüfatı Nazirliyi 2020-ci ilin aprel ayında öz fəaliyyətini nazirliyin illik iş planının və Dövlət Proqramlarının icrası istiqamətində həyata keçirilib. Nazirlik əməkdaşları tərəfindən muxtar respublikada payızlıq taxıl əkinlərinə 2-ci yemləmə gübrələrinin verilməsi, taxıl sahələrində alaq otlarına, eyni zamanda sarı çiçəyə qarşı mübarizə tədbirlərinin aparılması barədə sahibkarlara və ailə təsərrüfatı başçılarına maarifləndirici məsləhətlər verilib.

Kartof əkinlərinin əkin atlaslarına uyğun aqrotexniki qaydada aparılmasının əhəmiyyəti, meyvə və üzüm  bağlarında zərərverici və xəstəliklərə qarşı qabaqlayıcı mübarizə tədbirlərinin həyata keçirilməsinin məhsuldarlığa təsiri haqqında torpaq mülkiyyətçilərinə məsləhətlər verilib.

2020-ci  təsərrüfat ilində Azərbaycan Respublikası Kənd Təsərrüfatı Nazirliyinin Dövlət Fitosanitar Nəzarəti Xidmətinin Bitki Mühafizə Mərkəzindən kənd təsərrüfatı bitkilərinin sirayətlənə biləcəyi karantin mənşəli zərərverici və alaq otlarına qarşı mübarizə tədbirlərinin aparılması üçün pestisid alınıb gətirilmiş, norma və nisbətləri nəzərə alınaraq muxtar respublikanın Rayon İcra Hakimiyyətlərinə paylanılıb.

Ümumilikdə muxtar respublikada yazın əvvəlindən 235 hektar yonca sahəsində fitanomus zərərvericisinə, 4675 hektar taxıl və cavan meyvə bağlarında siçan və siçanabənzər gəmiricilərə qarşı,  3761 hektar taxıl sahəsində alaq otlarına qarşı, həmçinin  8 hektar sahədə bəzək bitkilərinin zərərverici və xəstəliklərinə qarşı kimyəvi mübarizə tədbirləri aparılıb.

Ay ərzində Culfa rayonunda 2, Babək rayonunda 6 üzüm və meyvə bağlarında kompleks tədbirlərin aparılması ilə bağlı köməklik göstərilib.

“Araz” Elm İstehsalat Birliyinin Aqrokimya, Torpaqşünaslıq və Torpaqların Kütləvi Analizləri şöbəsinin əməkdaşları tərəfindən torpaq mülkiyyətçiləri və ailə təsərrüfatı başçıları tərəfindən gətirilmiş torpaq nümunələri analiz olunmuş və tərkibindəki qida maddələrinin miqdarı barədə aidiyyatına məlumat təqdim edilib.

Toxumçuluq və bitkilərin mühafizəsi idarəsinə 85 nəfər ayrı-ayrı ailə təsərrüfatı sahibləri və fermerlər tərəfindən istixana, meyvə, üzüm bağı əkinlərində xəstəlik və zərərvericilərin aşkarlanması barədə müraciətlər olunmuş, mütəxəssislər tərəfindən həmin sahələrə baxış keçirilmiş və tələb olunan mübarizə tədbiri haqqında sahibkarlara məsləhət və tövsiyyələr veriblər.Toxumçuluq təsərrüfatları və fermerlər tərəfindən laboratoriyaya gətirilən toxumlar analizdən keçirilərək nəticəsi haqda onlara analiz aktı verilib.Muxtar Respublikanın rayonlarında  mineral və üzvi gübrələrin verilməsində, taxıl sahələrində alaq otlarına qarşı mübarizə tədbirlərinin aparılmasında,  yaz əkinlərinin keçirilməsində müassir texnikalardan istifadə edilməsinin əhəmiyyəti haqqında mexanizator və fermerlərlə fərdi qaydada söhbətlər  aparılmış, fermerlərə və mexanizatorlara yeni müassir texnikaların lizinqə götürülməsinin şərtləri onların diqqətinə çardırılıb.

Qoyunçuluq  təsərrüfatlarında yeni doğulan balalara zoobaytar qaydalarına uyğun qulluq edilməsinin əhəmiyyəti, mal-qaranın cins tərkibinin yaxşılaşdırılması üçün suni mayalandırma tədbirlərinin davam etdirilməsi və baytarlıq tədbirlərinin aparılması ilə  bağlı  sahibkarlarla maarifləndirici söhbətlər aparılıb.“2017-2022-ci illərdə Naxçıvan Muxtar Respublikasında arıçılığın inkişafı üzrə  Dövlət Proqramı”nın  və “Naxçıvan Muxtar Respublikasında arıçılığın inkişafı ilə bağlı  tədbirlər planı”nınmüvafiq bəndlərinin icrası diqqətdə saxlanılıb.

 
 

Səhifə 1 > 5-dən

Joomla 1.5