Mətbuat xidməti Xəbərlər

Naxçıvan Muxtar Respublikasına yeni kənd təsərrüfatı texnikaları gətirilib

 

 

 

 

 

 

 

 

 

 

 

Martın 18-də Naxçıvan Muxtar Respublikası Ali Məclisinin Sədri Vasif Talıbov “Naxçıvan Aqrolizinq” Açıq Səhmdar Cəmiyyəti tərəfindən alınmış yeni kənd təsərrüfatı texnikalarına baxmışdır. Naxçıvan Muxtar Respublikasının Baş nazirinin birinci müavini Elşad Əliyev məlumat vermişdir ki, aqrar sahədə sistemli şəkildə həyata keçirilən islahatlar və aparılan kompleks işlər nəticəsində kənd təsərrüfatı yeni inkişaf mərhələsinə yüksəlmişdir. Hazırda torpaq mülkiyyətçisi və fermerlər dünyanın qabaqcıl texnika və texnoloji avadanlıqlarından istifadə edirlər. Muxtar respublikada kənd təsərrüfatı məhsullarının intensiv amillər hesabına artırılması üçün yeni innovativ texnologiyaların tətbiqi davam etdirilir. Taxıl, kartof, qarğıdalı bitkilərinin əkilib-becərilməsi və yığılması tam mexaniki üsulla həyata keçirilir. Yeni alınan texnikalara baxış zamanı bildirilmişdir ki, ötən dövrdə “Naxçıvan Aqrolizinq” Açıq Səhmdar Cəmiyyəti tərəfindən 2 min 831 kənd təsərrüfatı texnikası alınaraq muxtar respublikaya gətirilmişdir. Cari ildə isə sahibkarların texnika təminatını düzgün təmin etmək üçün onların sifarişləri əsasında 137 texnika və texnoloji avadanlıq alınaraq muxtar respublikaya gətirilmiş, həmin texnikalardan 24-ü lizinq yolu ilə sahibkarlara verilmişdir. Ali Məclisin Sədri “Naxçıvan Aqrolizinq” Açıq Səhmdar Cəmiyyətinin bitkiçilik və heyvandarlıq aptekinə, həmçinin ehtiyat hissələri anbarlarına baxmışdır.

Ardını oxu...

 

Muxtar respublikada kartofçuluq inkişaf etdirilir

Son illərdə muxtar respublikada mövcud potensialdan səmərəli istifadə etməklə iqtisadiyyatın ayrıayrı sahələrinin inkişafına, istehsal müəssisələrinin fəaliyyətinin daha da genişləndirilməsinə, ixracyönümlü məhsul istehsalının stimullaşdırılmasına nail olunub. Yerli sahibkarlığın inkişafına yaradılan şərait isə məşğulluq səviyyəsinin artırılmasını və ümumilikdə, muxtar respublika iqtisadiyyatının dinamik inkişafını təmin edib. Əkin sahələrinin genişləndirilməsi üçün təsərrüfat suyuna olan tələbatın ödənilməsi, qapalı suvarma şəbəkələrinin qurulması, torpaq mülkiyyətçilərinin güzəştli şərtlərlə kredit, texnika və avadanlıqlarla təmin olunması hesabına kənd təsərrüfatı muxtar respublika iqtisadiyyatının aparıcı sahəsinə çevrilib. Artıq diyarımız bir çox kənd təsərrüfatı məhsulları ilə özünü tam təmin edir. İkinci çörək sayılan kartofa olan tələbatın ödənilməsi məqsədilə görülən işlər də bu cəhətdən diqqəti çəkir.

Ardını oxu...

 
 

Akademik Həsən Əliyev adına “Araz” Elm İstehsalat Birliyində tarla seminar-müşavirə keçirilib

Naxçıvan Muxtar Respublikası Kənd Təsərrüfatı Nazirliyinin struktur bölməsi olan  Akademik Həsən Əliyev adına “Araz” Elm İstehsalat Birliyində  Naxçıvan Dövlət Universitetinin  Torpaqşünaslıq və aqrokimya fakültəsinin tələbələrinin və torpaq mülkiyyətçilərinin iştirakı ilə “Torpağın münbitliyinin artırılmasında üzvi gübrələrin və ağac yonqarının əhəmiyyəti” mövzusunda  tarla seminar-müşavirə keçirilib.

Ardını oxu...

 
 

“Arıçıların yaz qayğıları, yaz mövsümündə arıxanalarda baytarlıq tədbirlərinin aparılması” mövzusunda seminar-müşavirə keçirilib

11 mart 2020 – ci il tarixdə Naxçıvan Muxtar Respublikası Kənd Təsərrüfatı Nazirliyinin, Naxçıvan Muxtar Respublikası İqtisadiyyat Nazirliyinin , Naxçıvan Muxtar Respublikası Ekologiya və Təbii Sərvətlər Nazirliyinin, Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin, Naxçıvan Muxtar Respublikası Dövlət Baytarlıq Xidmətinin və Kəngərli Rayon İcra Hakimiyyətinin  əməkdaşlarının  iştirakı ilə Kəngərli rayon Çalxanqala kəndində “Arıçıların yaz qayğıları, yaz mövsümündə arıxanalarda baytarlıq tədbirlərinin aparılması” mövzusunda seminar-müşavirə keçirilmişdir.

Ardını oxu...

 
 

Aqrar sığortanın əhəmiyyəti mövzusunda maarifləndirici tədbir keçirilib

Naxçıvan Muxtar Respublikası Kənd Təsərrüfatı Nazirliyi, Naxçıvan Muxtar Respublikası Dövlət Baş Sığorta Agentliyinin mütəxəssisləri və Aqrar Sığorta Fondunun idarə heyəti Culfa Rayon İcra Hakimiyyəti ilə birlikdə Culfa rayonunun Ərəzin kəndində  ailə təsərrüfatı başçıları və torpaq mülkiyyətçilərinin iştirakı ilə “Aqrar sığorta fondunun yaradılmasının əhəmiyyəti” mövzusunda maarifləndirici tədbir keçiriblər. Kənd Təsərrüfatı Nazirliyinin aparat rəhbəri, Aqrar Sığorta Fondunun idarə heyətinin sədri Zəkəriyyə Gözəlov Aqrar Sığorta Fondunun yaradılmasının əhəmiyyəti mövzusunda çıxış edərək qeyd edib ki, Naxçıvan Muxtar Respublikası Ali Məclisi Sədrinin 8 yanvar 2020-ci il tarixli Fərmanı ilə Naxçıvan Muxtar Respublikasında Aqrar Sığorta Fondu yaradılıb.

Ardını oxu...

 
 

Səhifə 4 > 31-dən

Joomla 1.5