Mətbuat xidməti Xəbərlər

Heyvandarlığın inkişafı ilə bağlı kitab və atlasın təqdimatı keçirilib

Naxçıvan Muxtar Respublikası Kənd Təsərrüfatı Nazirliyinin Heyvandarlıq, damazlıq işi və otlaqlar şöbəsinin müdiri Əyyub Abdullayevin “Heyvan cinslərinin rayonlaşdırılmasının atlası” və “Naxçıvan Muxtar Respublikasında damazlıq heyvandarlığın inkişafının əsasları” kitabının təqdimatı olub. Tədbirdə Kənd Təsərrüfatı naziri Bəhruz Bayramov çıxış edərək bildirib ki, muxtar respublikada ərzaq təhlükəsizliyinin təmin olunması sahəsində görülən işlər sırasında heyvandarlığın inkişafı mühüm yer tutur. Damazlıq işinin düzgün qurulması və cinstərkibinin yaxşılaşdırılması diqqətdə saxlanılır, səmərəli metod kimi süni mayalanma tədbirlərinə geniş yer verilir. Təbii ki, bu sahədə davamlı inkişafı təmin etmək üçün elmi yanaşma da mühüm şərtdir. Məhz bu məqsədlə Ali Məclis Sədrinin tapşırığına əsasən muxtar respublikada damazlıq – seleksiya işlərini yaxşılaşdırmaq və bütün yaşayış məntəqələrində relyefə uyğun heyvan növlərinin və cinslərinin yetişdirilməsi nəticəsində məhsul bolluğunun yaradılmasına nail olmaq üçün kitab və atlas hazırlanıb. Müəllif, nazirliyin şöbə müdiri ƏyyubAbdullayev kitabda akademik Eyyub Bəşirovun elmi-nəzəri əsərlərinə və digər alimlərin bu sahə ilə bağlı yazdığı nəşrlərə istinad edib. Qeyd olunub ki, 4 hissə, 131 səhifədən ibarət “Naxçıvan Muxtar Respublikasında damazlıq heyvandarlığın inkişafının əsasları” adlı kitab geniş məzmunlu izahatlarla seçilir, “Heyvan cinslərinin rayonlaşdırılmasının atlası”nda isə bütün yaşayış məntəqələrinin relyefinə uyğun olaraq heyvan cinslərinin və növlərinin inkişaf etdirilməsi ilə bağlı tövsiyələr yer alıb. Nəşrlər heyvandarlıqla məşğul olan sahibkarlara təsərrüfatlarındakı heyvanların cins tərkibini yaxşılaşdırmaqla, məhsul bolluğuna nail olaraq ailə büdcələrinə daha çox gəlir gətirməsinə geniş imkanlar açacaq. Naxçıvan Muxtar Respublikası Dövlət Baytarlıq Xidmətinin rəisi Vəli Novruzov çıxışında qeyd edib ki, istər Naxçıvan Dövlət Universiteti və Naxçıvan Dövlət Texniki Kollecinin Baytarlıq təbabəti ixtisasının tələbələri, istərsə də heyvandarlıqla məşğul olan fermerlər bu kitabdan səmərəli şəkildə faydalana bilərlər. Naxçıvan Dövlət Universitetinin Təbiətşünaslıq və kənd təsərrüfatı fakültəsinin dekanı Şəmil Mahmudov, Naxçıvan Dövlət Texniki Kollecinin direktoru Asəf Ruşanov, Naxçıvan Muxtar Respublikası Süni Mayalanma Mərkəzinin direktoru Yusif Qurbanov çıxışlarında yeni nəşrlərin əhəmiyyətindən danışıblar. Sonra Kənd Təsərrüfatı Nazirliyinin Heyvandarlıq, damazlıq işi və otlaqlar şöbəsinin müdiri Əyyub Abdullayev nəşrlərin ərsəyə gəlməsində göstərdiyi böyük diqqət və qayğıya görə Ali Məclisin Sədrinə minnətdarlığını bildirib.

 

Qışlamaya hazırlıqla bağlı tədbir keçirilib

Naxçıvan Muxtar Respublikası KəndTəsərrüfatı Nazirliyinin və DövlətBaytarlıq Xidmətinin əməkdaşları Babək Rayon İcra Hakimiyyətinin təşkilatçılığı ilə 2020-2021-ci illərin payız-qış mövsümünə hazırlıq və qarşıda duran vəzifələrlə bağlı rayonun bir neçə ailə təsərrüfatı başçıları ilə tədbir keçiriblər. Tədbiri Babək Rayon İcra Hakimiyyətinin əməkdaşı Məhəmməd Seyidov açaraq qeyd edib ki, muxtar respublikada ailə təsərrüfatlarının inkişafı istiqamətində ardıcıl işlər görülür. Yaradılan şəraitin nəticəsidir ki, ailə təsərrüfatlarının sayı getdikcə artır, ailə biznesi genişlənir. Kənd Təsərrüfatı Nazirliyinin əməkdaşı ƏyyubAbdullayev, Dövlət Baytarlıq Xidmətinin əməkdaşı Hüseyn Məmmədov tədbirdə çıxış edərək qışlama dövründə mal-qaranın yemləndirilməsi,saxlanması və zoobaytar qaydalarına uyğun qulluq edilməsinin əhəmiyyəti, baytarlıq tədbirlərinin vaxtında aparılmasının vacibliyindən danışıblar. Bildirilib ki, mal-qarası çox olan iri təsərrüfat sahibləri onların yaşına, məhsuldarlığına və fizioloji vəziyyətinə uyğun bina və bölmələr hazırlamalıdırlar. Tövlələr dezinfeksiyaedici maddələrlə dezinfeksiya, dezinseksiya və derotizasiya edilməlidir. Sonda iştirakçıları maraqlandıran suallar cavablandırılıb.

Naxçıvan Muxtar Respublikası Kənd Təsərrüfatı

Nazirliyinin mətbuat xidməti

 
 

Payız-qış mövsümünə hazırlıqla bağlı görülən işlər və qarşıda duran vəzifələr müzakirə edilib

Naxçıvan Muxtar Respublikası Kənd Təsərrüfatı Nazirliyində keçirilən müşavirəni nazir Bəhruz Bayramov açıb. Diqqətə çatdırılıb ki, 2020-2021-ci illərin payız-qış mövsümünə hazırlıqla əlaqədar nazirlik tərəfindən müvafiq tədbirlər həyata keçirilib. Belə ki, 2021-ci ilin məhsulu üçün cari ilin payızında muxtar respublikada 36 min 879 hektar sahədə şum aparılaraq taxıl əkini keçirilməsi nəzərdə tutulur. Bu işlərin mütəşəkkil və optimal müddətdə həyata keçirilməsi üçün nazirliyin texniki-nəzarət və aqroservis sektoru tərəfindən texnikalar saz vəziyyətə gətirilib.Hazırda muxtar respublikada 2411-i təzə olmaqla, ümumilikdə, 3526 kənd təsərrüfatı texnikası mövcuddur ki, ondan 78-i aqrolizinq və rayon bazalarında, qalan 3448-i isə sahibkarların xüsusi mülkiyyətindədir. Payızlıq taxıl əkini ilə əlaqədar şum və səpin aparmaq üçün 764 təkərli, 70 tırtıllı, 116 taxılsəpən, 397 kotan, 78 çizel və şırımaçan, 38 toxumtəmizləyən, 300 lafet saz vəziyyətə gətirilib.Toxumçuluq kənd təsərrüfatının bitkiçilik sahəsində vacib sahələrdən hesab edilir. Payızlıq taxıl əkininin aparılması üçün muxtar respublikaya 6000- 6500 ton toxum tələb olunur. Tələb olunan toxum “Bərəkət Toxumçuluq” təsərrüfatında, “Araz” Elm-İstehsalat Birliyinin yardımçı təcrübə təsərrüfatında və torpaq mülkiyyətçilərinin özlərində mövcuddur. Hazırda “Bərəkət Toxumçuluq” təsərrüfatında 320, “Araz” Elm-İstehsalat Birliyinin yardımçı təcrübə təsərrüfatında 170 ton yüksəkkeyfiyyətli reproduksiyalı buğda, arpa toxumları mövcuddur və toxum tədarükü davam etdirilir. Toxumların satışı “Bərəkət Toxumçuluq” təsərrüfatının nəzdində fəaliyyət göstərən toxumların satışı mərkəzi tərəfindən həyata keçiriləcəkdir. Hazırda təmizlənmiş toxumlar dərmanlanaraq kisələrə yığılır. Payızlıq taxıl sahələrində gəmiricilərə qarşı sink-fosfid preparatından istifadə edilir. Əvvəlki illərdə olduğu kimi, bu il də ehtiyac yarandığı təqdirdə bu preparat vasitəsilə mübarizə tədbirlərinin aparılması nəzərdə tutulur. Qeyd olunub ki, muxtar respublikada 1 iyul 2020-ci il tarixə 126467 baş iribuynuzlu mal, 799878 baş xırdabuynuzlu heyvan, 1 yanvar 2020-ci il tarixə 1 milyon 307 min baş quş və 98 min 400 arı ailəsi mövcuddur. Nazirliyin mütəxəssisləri tərəfindən heyvanların, quşların və arı ailələrinin qışlaması ilə əlaqədar yerlərdə səyyar müşavirələr keçirilir və bu işlər mövsüm ərzində davam etdiriləcəkdir. Sonda Kənd Təsərrüfatı naziri payız-qış mövsümünə hazırlıq və qarşıda duran vəzifələrlə əlaqədar müvafiq tapşırıqlar verib, məruzə ətrafında çıxışlar olub.

 
 

Ərəzin kəndində tarla-seminar müşavirəsi

Naxçıvan Muxtar Respublikası Kənd Təsərrüfatı Nazirliyinin birgə təşkilatçılığı ilə Culfa Rayon İcra Hakimiyyəti ilə birlikdə Ərəzin kəndində “Payız əkinləri üçün yay şumunun aqrotexniki qaydalar əsasında aparılmasının əhəmiyyəti” mövzusunda tarlaseminar müşavirəsi keçirilib.

Ailə təsərrüfatçıları və torpaq mülkiyyətçilərinin iştirak etdiyi tədbirdə payızlıq taxıl əkinlərinə hazırlıq, toxumluq materialın ayrılması və şumun düzgün həyata keçirilməsi məsələlərindən danışılıb. Rayon İcra Hakimiyyətinin əməkdaşı Valeh Kəngərli çıxışında qeyd edib ki, cari ildə Culfa rayonunda 7 min 589 hektar sahənin taxılı yığılıb ki, bunun da 6 min 216 hektarını buğda, 1370 hektarını isə arpa təşkil edib. Taxılsahələrinin hər hektarından 26,4 sentner məhsul əldə edilib. Çıxışda bölgədə payızlıq taxıl əkinlərinə hazırlıq məsələlərindən də bəhs olunub. Diqqətə çatdırılıb ki, yay şumunun vaxtında həyata keçirilməsi və aqrotexniki qaydalar əsasında aparılması məqsədilə 50-dən artıq şum traktorunun qüvvəsindən istifadə olunur. Qısa müddətdə 300 hektardan artıq sahədə şum aparılıb. Kənd Təsərrüfatı Nazirliyinin şöbə müdiri Xaliq Abbasov payızlıq taxıl əkinlərinə hazırlıq və şumun aparılması qaydalarından danışıb. Nazirliyin digər əməkdaşı Vüsal Mirzəyev yay şumunun aparılması məqsədilə görülən hazırlıq tədbirləri, xüsusən də texnika təminatı haqqında məlumat verib. Bildirib ki, muxtar respublikamızın bütün bölgələrində “Naxçıvan Aqrolizinq” Açıq Səhmdar Cəmiyyətinin xətti ilə gətirilən yeni şum traktorları və digər texnoloji avadanlıqlar bu vacib kampaniyanın mütəşəkkil həyata keçirilməsinə yönəldilib. Tarla-seminar müşavirəsində ailə təsərrüfatçıları adından çıxış edən Ərəzin kənd sakini Səfər Kazımov bu il taxılçılıqda əldə etdiyi uğurları, yaradılan şəraiti, taxılçılara göstərilən dövlət dəstəyini diqqətə çatdırıb. Tədbirdə ailə təsərrüfatçılarını maraqlandıran suallar cavablandırılıb. Torpaq mülkiyyətçilərinə yay şumunun qaldırılması və payızlıq taxıl əkinlərinə hazırlıq məsələlərindən bəhs edən maarifləndirici bukletlər paylanıb.

Naxçıvan Muxtar Respublikası Kənd Təsərrüfatı

Nazirliyinin mətbuat xidməti

 
 

Altıncı çağırış Naxçıvan Muxtar Respublikası Ali Məclisinin üçüncü sessiyasından irəli gələn vəzifələr müzakirə olunub

Altıncı çağırış Naxçıvan Muxtar Respublikası Ali Məclisinin üçüncü sessiyasında verilmiş tapşırıqların icrası, 2020-ci ilin birinci yarısında görülmüş işlər və qarşıda duran vəzifələrlə bağlı Kənd Təsərrüfatı Nazirliyində keçirilən kollegiya iclasında nazir Bəhruz Bayramov məruzə ilə çıxış edib. Bildirib ki, 1070 hektarı 2020-ci ildə olmaqla, 4478 hektar sahədə qapalı suvarma sistemlərinin tikilərək istifadəyə verilməsi əkinəyararlı torpaq sahələrinin əkin dövriyyəsinə qatılmasına və məhsul bolluğunun yaradılmasına səbəb olub. Taxılçılığın strateji əhəmiyyətə malik olması diqqət mərkəzində saxlanılıb, 2020-ci ilin məhsulu üçün 36 min 99 hektarı payızlıq, 780 hektarı isə yazlıq olmaqla, ümumilikdə, 36 min 879 hektar sahədə taxıl əkini aparılıb, ötən illə müqayisədə əkin sahəsi 3571 hektar artıb. Həmçinin cari ildə muxtar respublika üzrə 23 min 142 hektar sahədə yazlıq bitkilər əkilib. Qeyd olunub ki, görülən tədbirlər nəticəsində hazırda muxtar respublikada 5157 hektarsahədə meyvə bağları mövcuddur ki, bunun da 4600 hektarı barverən bağlardır.

Ardını oxu...

 
 

Səhifə 1 > 31-dən

Joomla 1.5